Іле ауданының әкімі Қайыржан Серікбайұлы Жақсымбетов халықпен тығыз байланыс орнату, тұрғындардың өтініштері мен ұсыныстарын тыңдап, мәселелерін шешуге ықпал ету мақсатында «AMANAT» партиясының Іле аудандық филиалы ғимаратында жеке қоғамдық қабылдау өткізді.
Қабылдауда аудан тұрғындары бірқатар әлеуметтік және инфрақұрылымдық, жеке мәселелерін көтерді.
Атап айтқанда: Байсерке ауылындағы №12 мектеп маңын жаңа ауызсумен қамту, тұрғын үй мәселесі, Өтеген батыр ауылдық округіне қарасты «Тростинка», «Энергетический», «Урожай» саяжай кооперативтеріне ауыл мәртебесін беру. І. Жансүгіров көшесіне жаңа бағдаршам орнату. «Қарасу» ықшам ауданындағы жолдарға асфальт жабындысын салу, саяжай кооперативтерінде трансформатор орнату және жол жөндеу. А. Тоқпанов ауылдық округіндегі «Нұрлы жер» саяжай кооперативіне ауыл мәртебесін беру, денсаулығына байланысты азаматтарға реабилитациялық көмек көрсету. Өтеген батыр ауылындағы кейбір аумақтарға интернет тарту. Боралдай кентіндегі өзекті 4 учаскенің мәселесі және басқа да жеке өтініштері қаралды.
Аудан әкімі Қайыржан Жақсымбетов әрбір тұрғынның өтінішін мұқият тыңдап, көтерілген мәселелердің шешу жолдарын нақты түсіндірді. Сонымен қатар тиісті бөлім басшыларына және ауыл округі әкімдеріне заң аясында әрбір мәселені жеке бақылауға алып, уақытылы шешуді тапсырып, көтерілген барлық мәселелер тікелей өзінің бақылауында болатынын жеткізді.
#AMANAT
