Ливерпульде өткен бокстан Әлем чемпионатында қазақстандық боксшылар керемет нәтиже көрсетіп, ел қоржынына 7 алтын медаль салды.
Мемлекет басшысы Қасым-Жомарт Тоқаев ұлттық құрама спортшыларын жеңістерімен құттықтап, олардың табандылығы мен еңбегін ерекше атап өтті.
– «Ливерпульде өткен бокстан Әлем чемпионатында ұлттық құраманың жеңіс жолын Алуа Балқыбекова, Аида Әбікеева, Төрехан Сабырхан, Наталья Богданова, Айбек Оралбай жалғастырды. Қазақ боксшылары әлем біріншілігінде тамаша нәтиже көрсетті. Әйтсе де алдымызда АҚШ-та өтетін Олимпиада ойындары күтіп тұр. Соған қазірден бастап дайындалу қажет. Қазақ бокс мектебінің мерейі әрдайым үстем болсын!» – деп жазды Президент Instagram парақшасында.
Жалпы есеп бойынша, Қазақстан құрамасы 7 алтын медаль жеңіп алып, әлемдік аренада өзінің мықты екенін тағы бір дәлелдеді. Бұл – ел тарихындағы айтулы жетістіктердің бірі.
