Бұл Алматы облысында іске асырылып жатқан ірі құрылыс жобаларының бірі. Мердігер ұйым “КЛВ ИНШААТ Аноним ШИРКЕТИ” АҚ филиалы, dongsung ENGINEERING CO. инженерлік қызметі., LTD/DASAN CONSULTANTS CO., LTD. жолдың 101-143 шақырым учаскесін қайта жаңартып жатыр.
Қазір мердігер ұйым 4 жолақтың негіздемесінен бастап жоғарғы қабатына дейінгі 42 шақырым аумақты толық аяқтаған. Сондай-ақ асфальтбетонның 2 қабаты және соңғы беткі қиыршық мастикалық асфальтбетон қабаты жолдың 37,5 шақырымына салынған. 31 шақырым жерге жол тежегіштері орнатылса, 35,9 километр аумаққа жол жиегін тегістеу жұмыстары жасалған.
Аталған нысанның жұмыстары мен материалдарының сапасына “Жол активтері сапасының ұлттық орталығы” ШЖҚ РМК Алматы облысы бойынша филиалы сараптама жасап, үнемі бақылауда ұстайды. Жыл басынан бері бұл учаскеден 246 құрылыс материалы сараптамадан өтіп, 23-і нормаға сәйкес емес болған. Мердігер мекемесі кемшіліктерді жою жұмыстарын жүргізіп жатыр.
