Ел руханиятына өлшеусіз еңбек сіңіріп жүрген белгілі жазушы-публицист Жақыпжан Нұрғожаевқа Қазақстан Республикасы Президентінің Жарлығымен «Парасат» ордені табысталды. Бұл – қаламгердің көп жылғы қажырлы еңбегіне, ұлттық әдебиет пен мәдениеттің өркендеуіне қосқан зор үлесіне берілген биік баға, ел мойындаған еңбектің айғағы.
Жақыпжан Нұрғожаев – қазақ әдебиетінде, сонымен қатар қазақ журналистикасында өзіндік қолтаңбасын қалдырған тұлға. Шығармаларына ар, намыс, адамдық пен адалдық сынды асыл қасиеттер арқау болып, оқырман жүрегінен жол тапқан. Оның әрбір туындысы – туған жерге, қазақ рухына, адамдық биікке деген шексіз сүйіспеншіліктің көрінісі.
Жазушының шығармашылық жолы – жас қалам ұстаған ұрпаққа өнеге. Ол әдебиет айдынында адалдық пен азаматтықтың, ұлтқа қызмет етудің үлгісін көрсетті. Жақыпжан Нұрғожаевтың еңбегіне берілген осынау құрмет – қазақ қаламгерлерінің, соның ішінде Алматы облысының әдеби қауымының ортақ қуанышы.
Қаламыңыз ұштала берсін, өміріңіз өнегеге толы болсын, ардақты аға! Еңбегіңіз еленіп, абыройыңыз асқақтаған осы мәртебелі сәтпен кезінде өзіңіз ұзақ жыл бас редактор болған облыстық басылым атынан шын жүректен құттықтаймыз! Шығармашылық шабытыңыз сарқылмай, парасат пен рух биігінде жарқырай беріңіз!
Алматы облыстық «Алатау арайы» газетінің ұжымы
