Жаңа Конституция азаматтардың құқықтары мен бостандықтарын қорғауға, қоғамдағы әділеттілікті нығайтуға бағытталған маңызды қадам.
Әсіресе мұнда отбасы құндылықтарының сақталуы басты мәселелердің бірі. Жаңа Конституция отбасын қоғамның негізі ретінде танып, балалардың құқықтары мен ата-аналардың жауапкершілігін айқындайды, отбасы мүшелерінің қауіпсіздігі мен әл-ауқатын қамтамасыз етуді заңдық тұрғыда күшейтеді. Бұл — келер ұрпаққа тұрақты, берекелі қоғам қалыптастырудың кепілі. Сонымен қатар, құжат билік тармақтары арасындағы тепе-теңдікті нығайтып, азаматтардың мемлекет басқаруына қатысуын кеңейтеді. Бұл Қазақстанды заңға құрметті, зайырлы және әділетті елге айналдыру жолындағы маңызды қадам. Жаңа Конституция жобасын қолдау арқылы біз бірге әділетті, берекелі және мықты отбасыларға құрмет көрсететін Қазақстанды құрамыз.
Құралбек СӘБИТОВ
Алматы облыстық “Алатау арайы” газетінің бөлім редакторы
