Алматы облысында Мемлекет басшысы жариялаған «Халықаралық волонтерлер жылы» аясында аймақтың ең белсенді еріктілерінің басын қосқан «Volunteers start» форумы ұйымдастырылды.
Форум жастарды қоғамдық өмірге белсенді тартуға, әлеуметтік жауапкершілігін арттыруға және азаматтық ұстанымын нығайтуға бағытталған.
Сондай-ақ, шара аясында волонтерлік қызметтің маңызы мен қоғам дамуындағы рөлі таныстырылып, қатысушылар облысымызда жүзеге асырылып жатқан әлеуметтік, экологиялық, мәдени-гуманитарлық жобалармен танысып, нақты бастамаларға қосылу мүмкіндігіне ие болады.
Сонымен қатар, гранттық қолдау мен жаңа жобаларды жүзеге асыру жолдары жөнінде толық ақпарат беріледі.
Айта кету керек, соңғы 2 жылда Алматы облысында волонтерлік қозғалысты дамытуға бағытталған жүйелі шаралар жүзеге асырылуда. Атап айтқанда өңірлік «Волонтерлер фронт-кеңсесі» іске қосылды, 3 мың белсенді еріктінің электронды базасы жасақталды, 40 – астам волонтерлер ұйымы мен қозғалыстары тұрақты түрде жұмыс атқаруда. Өткен жылдың нәтижесі бойынша өңірдің волонтерлер республика бойынша үздіктердің қатарынан табылды.
