Референдум күні кресло-арбамен жүретін мүгедектігі бар азаматтардың да дауыс беруіне барлық жағдай жасалды. Солардың бірі инватакси қызметін пайдаланып референдум учаскесіне келіп, өз таңдауын білдірді.
Зина Айтбаеваның айтуынша, референдум учаскесі мүгедектігі бар адамдарға толық бейімделген. Кіреберісте пандус орнатылған, ғимаратқа кіру мен қозғалу ыңғайлы, сондай-ақ дауыс беру процесіне кедергі келтіретін ешқандай қиындық болмаған.
– Маған инватакси қызметі үлкен көмек болды. Учаскеге оңай жетіп, өз дауысымды бердім. Мұнда мүмкіндігі шектеулі адамдарға барлық жағдай жасалған, – деді ол.
Дәурен ӘБУТӘЛІПОВ
Кеген ауданы
