Алматы облысы әкімінің орынбасары Ғани Майлыбаев Іле ауданына жұмыс сапары барысында «Таза Қазақстан» экологиялық акциясына қатысып, өңірдегі тазалық жұмысы барысымен танысты.
28 наурыз күні ауданда кең ауқымды сенбілік өтті. Шараға 2800-ден астам адам қатысып, 27 арнайы техника жұмылдырылды. Нәтижесінде 116 тонна қоқыс шығарылып, 65 ағаш көшеті отырғызылды.
Сенбілік аясында елді мекендердің аумақтары тазартылып, қоғамдық орындар ретке келтірілді. Экологиялық акцияға тұрғындар белсенді атсалысып, ауданның тазалығы мен көркеюіне үлес қосты.
Ғани Айдарұлы: «Тазалық – бір күндік шара емес, бұл – әр азаматтың күнделікті мәдениеті мен жауапкершілігі. Бүгінгі сенбілік тұрғындардың бірлігі мен туған жерге деген жанашырлығын айқын көрсетті», – дей келе мұндай бастамалар өңірімізді таза әрі жайлы етуге септігін тигізетінін айтты.
