АСК төрайымының мәліметінше, парламент мәжілісі депутаттығына сайлауға түсуге Қонаев қаласындағы №11 округ бойынша 10 кандидат, Қаскелеңдегі №12 округ бойынша 15 кандидат тіркелді.
Ал облыстық мәслихаттың 19 депутатын партиялық тізімдер бойынша сайлауға 6 саяси партияның облыстық филиалдары тізімдерін облыстық сайлау комиссиясына ұсынды. Нәтижесінде барлық тізім қабылданды.
«Мәслихаттар бойынша 523 адамның барлығы тіркелді. Олардың 388-і өзін-өзі ұсынған, 282-і түрлі партиялардан ұсынылған. 282-нің 209-ы – «Аманат» партиясынан, 11-і – «Ақ жол», 29-ы – «Қазақстан халық партиясы», 25-і – «Ауыл», 5-уі – «Жалпыұлттық социал-демократиялық» партиясынан, 3 кандидат – «Республика» партиясынан ұсынылды», – деді Мейрамгүл Айтова.
Төрайымның мәліметінше, сайлау туралы Конституциялық заңға сәйкес кандидаттарды тіркеу туралы мәліметтер БАҚ-та және сайлау комиссияларының интернет-ресурстарында жарияланды.
Сонымен қатар ол сайлау алдындағы үгіт-насихат негізгі төрт түрлі жолмен жүргізілетінін айтты. Олар:
– БАҚ арқылы;
– баспа, аудиовизуалды және өзге де үгіт материалдарын шығару және тарату арқылы;
– сайлау алдындағы жария іс-шараларды, сондай-ақ кандидаттар мен олардың сенім білдірген адамдарының сайлаушылармен жеке кездесулерін өткізу арқылы;
– онлайн-платформа арқылы.
Айта кетейік, биылғы парламент мәжілісі мен мәслихат депутаттарының сайлауында Алматы облысынан мәжіліске 2 депутат, облыстық мәслихатқа 38 депутат және Қонаев қаласы мен аудандық мәслихаттарға 190 депутат сайланады.
