Алматы облысының төтенше жағдай департаментінің қызметкерлері 26 ақпан күні Бақанас ауылына баратын жолда қалған төрт бала мен екі әйелді құтқарды. Облыстық төтенше жағдайлар департаментінің хабарлауынша, екі әйел мен олардың 2009, 2001, 2020 және 2021 жылы туған төрт баласын олар мінген такси межелі жеріне жеткізбей, қолайсыз ауа-райында Бақанас ауылына барар жолда Малайсары асуында жолда қалдырып кеткен. Жолаушыларды жолай өтіп бара жатқан басқа көлік жүргізушісі мінгізіп, одан ары құтқарушыларға хабарлаған.
Құтқарушылар әйелдер мен балаларға түнейтін орын мен тамақ беріп, ертесіне аман-есен үйлеріне жеткен.
