Күнделікті асығыстық кезінде мүлік қауіпсіздігі екінші орынға түсіп кетуі мүмкін. Алайда ұқыпсыздықтың салдары кейде елеулі шығынға әкеледі. Үйдің есігін құлыптау немесе көлікті қауіпсіз жерге қою сияқты қарапайым әрекеттердің өзі маңызды. Бағалы заттарды бөтен адамдардың көзінше көрсетпеу де артық болмайды. Әлеуметтік желіде жеке өмірге қатысты ақпаратты шамадан тыс жариялау қауіпсіздікке әсер етуі мүмкін. Үйде құнды заттар сақталатынын көпшілікке айтуға болмайды. Қосымша қорғаныс ретінде бейнебақылау мен күзет жүйелерін пайдалануға болады. Мүлік жоғалған жағдайда оқиғаның ізін жоғалтпай, бірден құқық қорғау органдарына хабарласқан жөн. Қауіпсіздік шараларын алдын ала ойластырған адам күтпеген жағдайға дайын болады. Мүлікті қорғау – үлкен шығыннан сақтанудың ең қарапайым жолы.
Сая ЕРБОЛАТҚЫЗЫ