Қоғамдағы қауіпсіздік ең алдымен күнделікті тәртіптен басталады. Көшеде, аулада, қоғамдық көлікте немесе көпшілік жиналатын орындарда белгіленген талаптарды сақтау түрлі келеңсіздіктің алдын алады. Құқық қорғау органдары қоғамдық тәртіпті қамтамасыз етумен қатар, тұрғындар арасында түсіндіру жұмыстарын да жүргізіп келеді. Азаматтардың кез келген күмәнді жағдайға дер кезінде назар аударуы маңызды. Кейде елеусіз көрінген мәселенің арты үлкен оқиғаға ұласуы мүмкін. Сондықтан қауіп төнген жағдайда тиісті қызметтерге уақытылы хабарласқан жөн. Қоғамдық орындарда айналаға немқұрайлы қарамай, балалар мен қарттарға да қамқорлық таныту қажет. Қауіпсіз орта қалыптастыру үшін заң талаптарын білу ғана емес, оларды орындау да маңызды. Тәртіп сақталған жерде тұрғындардың өздерін еркін әрі сенімді сезінуіне мүмкіндік мол. Қоғам тыныштығы әр адамның жауапты әрекетінен құралады.
Сая ЕРБОЛАТҚЫЗЫ