Есірткі қылмысы қоғамға ғана емес, оның ішінде жастардың болашағына да үлкен қауіп төндіреді. Әсіресе жасөспірімдер мен жастарды оңай ақша табу туралы ұсыныстармен заңсыз әрекетке тарту жағдайлары кездеседі. Интернеттегі жабық арналар арқылы тарайтын күмәнді хабарламаларға сенудің соңы ауыр зардапқа әкелуі мүмкін. Есірткі заттарын сақтау немесе тарату заң алдында жауапкершілікке әкелетінін әр адам білуі қажет. Жастардың бос уақытын тиімді ұйымдастыруы да теріс әдеттерден аулақ болуына ықпал етеді. Спорт, шығармашылық және қоғамдық жұмыстар жасөспірімнің пайдалы орта қалыптастыруына мүмкіндік береді. Ата-ана баласының ортасына, қызығушылығына және мінез-құлқындағы өзгерістерге назар аударғаны жөн. Күмәнді ұсыныс алған жағдайда оған ермей, ересектерден немесе тиісті мамандардан кеңес сұрау керек. Есірткіден сақтанудың ең дұрыс жолы – оның қауіптілігін ерте түсіну. Жастардың саналы таңдауы – олардың жарқын болашағының кепілі.
Сая ЕРБОЛАТҚЫЗЫ