Заң мен тәртіп – тұрақты әрі қауіпсіз қоғамның басты негізі. Әр азамат өз құқығы мен міндетін білген кезде қоғамдағы жауапкершілік те арта түседі. Заң талаптарын сақтау тек құқық қорғау органдарының міндеті емес, ол – баршаға ортақ жауапкершілік. Көшеде тәртіп сақтау, жол ережесін бұзбау, қоғамдық орындарда өзгелердің құқығына құрметпен қарау – заңға деген құрметтің қарапайым көріністері. Әсіресе жастардың құқықтық сауатын арттырудың маңызы зор, өйткені бүгінгі жас – ертеңгі қоғамның белсенді мүшесі. Заңды білу адамға қиын жағдайда дұрыс шешім қабылдауға және өз құқығын қорғауға мүмкіндік береді. Сондықтан заңды құрметтеу – өзіңді ғана емес, айналаңдағы адамдарды да қорғау деген сөз.
Алтынай СЕЙІТКЕН