Құқықтық мәдениет қоғамның жалпы тәртібі мен жауапкершілік деңгейін көрсетеді. Оның қалыптасуы тек мектепте немесе мемлекеттік мекемелерде ғана емес, ең алдымен отбасында басталады. Ата-ананың заңды құрметтеуі мен балаға құқықтық тәрбие беруі маңызды рөл атқарады. Конституцияда бекітілген құқықтар мен міндеттерді жас ұрпаққа түсіндіру олардың болашақтағы азаматтық жауапкершілігін арттырады. Заңды сақтау әдетке айналған кезде құқық бұзушылықтың алдын алу да тиімді бола түседі. Отбасында өзара сыйластық пен жауапкершілік қалыптасса, бұл құндылықтар қоғамдық ортаға да әсер етеді. Сондықтан жаңа Конституцияның қағидаттарын насихаттау әр азаматтың қатысуын қажет етеді. Құқықтық сауатты ұрпақ – тұрақты әрі жауапты қоғамның маңызды тірегі.
Алтынай СЕЙІТКЕН