Елімізде аяздың күшеюіне байланысты бірқатар облыс орталықтары мен Алматы, Астана, Шымкент қалаларында бірінші ауысымдағы ектеп оқушылары онлайн оқуға көшті.
Алматы қаласында 13-14 желтоқсан күндері ауа температурасының -27 градусқа дейін төмендеуіне байланысты 0-9 сынып оқушылары онлайн оқиды.
Астана, Қарағанды, Көкшетау, Павлодар, Петропавл қалаларында қатты аязға байланысты 13 желтоқсанда барлық сынып оқушылары мен колледждің бірінші ауысымда оқитын 1-2 курс студенттері қашықтан оқиды.
Семей қаласында да аяз күшейгендіктен бірінші ауысымда оқитын 1-9 сынып оқушылары онлайн оқиды.
Ал Шымкент қаласында қатты аяздан оқушылар 15 желтоқсанға дейін қашықтан оқымақ.
Алматы облысында Қарасай ауданының 0-9 сынып оқушылары да аязға байланысты13-14 желтоқсанда онлайн оқу форматына көшті.
