Облыс аумағында жылыту маусымы басталғаннан тұрғын үй секторында өрттің саны едәуір артады. Бұл туралы баспасөз мәслихаты барысында Мемлекеттік өрт бақылау басқармасы бастығының орынбасары Александр Пархоменко айтты.
«Жылыту маусымы кезінде 102 өрт оқиғасы тіркелген. Оның ішінде 8-14 желтоқсан аралығында облыс аумағында тұрғын үй секторында 24 өрт болды. Қаза тапқандар мен жарақат алғандар жоқ. Көміртегі тотығымен уланған 17 адам емханаларға жүгінді», – дейді Александр Пархоменко.
Департамент қызметкерлері облыс тұрғындарына өрттен сақтану үшін жиһазды және басқа жанғыш заттарды газ құрылғыларының, сондай-ақ жылыту пешінің жанына қоймауға, пештің мұржасын тазалап, жарықшақтар мен тесіктерді уақытылы жөндеуге кеңес береді.
Тұрмыста өрт қауіпсіздігі ережелерін сақтап, өрт бола қалған жағдайда 101 нөміріне қоңырау шалу керек.
Арайлым Мырзабекова
