Қоғамдағы тыныштық пен қауіпсіздік әр адамның жауапкершілігіне байланысты. Алкогольді теріс пайдалану адамның өзін-өзі бақылау қабілетін әлсіретіп, айналасындағыларға қауіп төндіруі мүмкін. Әсіресе ішімдік ішіп көлік жүргізу адам өміріне тікелей қатер келтіреді. Мұндай әрекетке жол бермеу үшін заң талаптарын сақтау және қауіптің салдарын түсіндіру қажет. Құқық қорғау органдарының алдын алу шараларымен қатар, тұрғындардың белсенділігі де маңызды. Ата-аналар балаларға жеке үлгі көрсетіп, салауатты өмір салтын ұстанудың мәнін түсіндіруі керек. Қоғамдық орындарда құқықбұзушылықтың куәсі болған азаматтар қауіпсіз жағдайда тиісті қызметтерге хабарлай алады. Тәртіпке негізделген орта қалыптастыру – баршамызға ортақ міндет.
Құралбек СӘБИТОВ