Ауылдың ажары оның тазалығы мен абаттандырылуынан көрінеді. Таза көшелер, күтіп-бапталған аулалар мен жасыл желек елді мекеннің көркін арттырып, тұрғындарға қолайлы орта қалыптастырады. «Таза Қазақстан» аясында ұйымдастырылатын тазалық шаралары халықты ортақ іске жұмылдырып, азаматтық жауапкершілікті нығайтуға мүмкіндік береді. Мұндай жұмыстарға әр отбасы мен әрбір тұрғынның атсалысуы маңызды. Қоқысты ретсіз тастамау, қоғамдық орындарды бүлдірмеу және айналаны таза ұстау күнделікті әдетке айналуы қажет. Сонымен бірге ауыл тұрғындары тазалықты сақтау жөніндегі бастамаларды қолдап, өскелең ұрпаққа үлгі көрсетуі тиіс. Бірлескен еңбектің арқасында ауыл көркейіп, өмір сүруге қолайлы мекенге айналады.
Ерзат АСЫЛ