Қонаевта келесі жылы электр қуатын үнемдейтін 3 500 “ақылды шам” орнатылады. Бұл туралы Қонаев қалалық әкімдігінің баспасөз қызметі хабарлады. Қазіргі таңда қалада 1020 “ақылды шам” орнатылған.
Бұл шамдардың басқа шамдардан ерекшелігі – орталықтандырылған жүйеде басқарылады, тым қараңғы кезде жарығы көбейіп, таңғы 4.00-5.00 шамасында жарық беруі бәсеңдейді. Сонымен қатар энергия үнемделіп пайдаланылады, шамдар өздігінен қосылып, өшіріледі.
Қазір күрделі жөндеуден өтіп жатқан Сейфуллин көшесінің бойына да «ақылды шамдар» қойылып жатыр.
2024 жылы қаржының бөлінуіне байланысты 3500 шам орнату жоспарланған.
