Азаматтардың жеке мүлкін қорғау – қоғамдық қауіпсіздіктің маңызды бағыттарының бірі. Ұрлық, алаяқтық, тонау және бөтеннің мүлкін заңсыз иемдену адамдарға материалдық шығын келтіріп қана қоймай, олардың қауіпсіздік сезіміне де нұқсан келтіреді.
Мүліктік қылмыстардың алдын алу үшін әр адам қарапайым қауіпсіздік ережелерін сақтауы керек. Үйдің есігі мен терезесін құлыптау, бағалы заттарды қараусыз қалдырмау, бейнебақылау жүйелерін пайдалану және жеке мүлікке мұқият болу ұрлық қаупін төмендетеді.
Сонымен қатар күмәнді жағдайларды байқаса, азаматтар құқық қорғау органдарына хабарлауы қажет. Көпқабатты үйлерде көршілердің өзара көмегі мен аула қауіпсіздігіне ортақ жауапкершілік таныту да маңызды.
Әрбір азаматтың сақтығы мен заңға құрметі мүліктік қылмыстардың азаюына ықпал етеді. Меншікті қорғау – жеке адамның ғана емес, бүкіл қоғамның ортақ міндеті.
Құралбек СӘБИТОВ