Баланың қалыпты дамуы үшін оған қауіпсіз әрі қолайлы орта қажет. Отбасындағы тұрақтылық, мектептегі қолдау және қоғамдағы жауапты қарым-қатынас жас ұрпақтың тұлға болып қалыптасуына тікелей ықпал етеді. Сондықтан балаларды зорлық-зомбылықтан, қорлаудан және түрлі құқық бұзушылықтан қорғау маңызды.
Баланың мінез-құлқындағы өзгерістерге, тұйықталуына немесе үнемі қорқыныш сезінуіне немқұрайлы қарауға болмайды. Мұндай белгілер әртүрлі себептен туындауы мүмкін, алайда баланың жағдайын мұқият тыңдап, қажет болса мамандардың көмегіне жүгінген жөн.
Мектеп пен ата-ана арасындағы байланыс та ерекше рөл атқарады. Мұғалімдер, психологтер және ата-аналар өзара әрекеттескенде, балалардың мәселелерін ертерек байқап, тиісті қолдау көрсетуге мүмкіндік туады.
Баланың қауіпсіздігін қамтамасыз ету тек ата-ананың немесе мектептің міндеті емес. Бұл – бүкіл қоғамның жауапкершілігі. Әр бала өзін қорғалған, құрметтелген және еркін сезінетін ортада өсуге лайық.
ЕРЗАТ АСЫЛ