Меншік құқығын қорғау – азаматтардың қауіпсіздігі мен қоғамдағы тұрақтылықты қамтамасыз етудің маңызды бөлігі. Әр адам өз еңбегімен тапқан дүниесінің сақталуына және мүлкіне заңсыз қол сұғылмауына құқылы.
Алайда мүліктік құқық бұзушылықтың алдын алу үшін тек құқық қорғау органдарының жұмысына сеніп отыру жеткіліксіз. Тұрғындар да жеке заттарының сақталуына назар аударып, қарапайым қауіпсіздік шараларын ұстануы қажет. Үй мен көлікті құлыптау, бағалы заттарды қараусыз қалдырмау, кілттер мен құжаттарды бөтен адамдарға бермеу – күнделікті өмірдегі маңызды әдеттер.
Қоғамдық орындарда табылған бөтен затты иесіне қайтаруға тырысу немесе тиісті қызметке тапсыру да азаматтық мәдениетті көрсетеді. Өзгенің мүлкін иемдену, бүлдіру немесе заңсыз пайдалану жауапкершілікке әкелуі мүмкін.
Меншікке құрмет – өзгенің еңбегін бағалаудан басталады. Құқықты сақтау мен адалдықты ұстану қоғамдағы сенімді нығайтады.
ЕРЗАТ АСЫЛ