Цифрлық технологиялар күнделікті өмірді жеңілдеткенімен, интернет арқылы жасалатын алаяқтық та өзекті мәселеге айналып отыр. Әлеуметтік желілер, мессенджерлер мен жалған сайттар арқылы азаматтардың жеке деректерін иемденуге немесе ақшасын алдап алуға тырысатындар кездеседі.
Алаяқтар көбіне өздерін банк қызметкері, мемлекеттік орган өкілі немесе белгілі бір ұйымның маманы ретінде таныстыруы мүмкін. Олар шұғыл әрекет етуді талап етіп, адамның үрейі мен сенімін пайдалануға тырысады. Мұндай жағдайда асығыс шешім қабылдамай, ақпаратты ресми арна арқылы тексерген дұрыс.
Банк картасының деректерін, құпиясөздерді және SMS арқылы келген растау кодтарын бөгде адамдарға беруге болмайды. Күмәнді сілтемелерге өтпеу, белгісіз файлдарды жүктемеу және аккаунттарды қосымша қорғау тәсілдерін пайдалану да маңызды.
Интернеттегі қауіпсіздік ең алдымен адамның сақтығына байланысты. Ақпаратты тексеру мен жеке деректерді қорғау әдеті қаржылық шығынның алдын алуға көмектеседі.
ТОҒЖАН ЖОЛДЫҒАЛИ