Есірткі заттарын заңсыз тарату мен қолдану қоғамның денсаулығына, жастардың болашағына және қоғамдық қауіпсіздікке зиян келтіреді. Бұл мәселеге қарсы күрес тек құқық қорғау органдарының жұмысы емес, бүкіл қоғамның ортақ міндеті болуы тиіс.
Есірткіге байланысты қауіптің алдын алуда түсіндіру жұмыстары маңызды орын алады. Жасөспірімдерге зиянды әдеттердің салдарын түсіндіру, спортпен айналысуға және шығармашылыққа қызығушылығын арттыру олардың бос уақытын тиімді өткізуіне мүмкіндік береді.
Ата-аналар мен педагогтер де балалардың өміріне назар аударып, ашық әңгімелесуге жағдай жасағаны жөн. Қиындыққа тап болған жасөспірімге қолдау көрсету мен мамандардың көмегіне жүгіну оның қауіпті ортаға түсуінің алдын алуы мүмкін.
Заңсыз есірткі айналымына қатысты күмәнді жағдайлар байқалса, оны өз бетінше тексеруге немесе қауіпті адамдармен байланысуға болмайды. Ақпаратты тиісті органдарға жеткізген дұрыс. Есірткіге қарсы күрестің негізі – алдын алу, құқықтық сауаттылық және салауатты өмір салтын қалыптастыру.
АЙЖАРЫҚ КӨПТІЛЕУОВ