Есірткі заттарының заңсыз айналымы қоғамдық қауіпсіздікке елеулі қатер төндіреді. Мұндай әрекеттерге қарсы күрес барысында құқық бұзушылықтарды анықтау ғана емес, олардың алдын алу және азаматтардың құқықтық сауаттылығын арттыру да маңызды.
Заңсыз заттарды таратуға қатысты әрекеттердің құқықтық салдары бар. Сондықтан күмәнді ұсыныстарға келісу, белгісіз адамдардың өтінішімен түсініксіз сәлемдемелерді жеткізу немесе өзгенің тапсырмасымен заңсыз заттарды сақтау сияқты әрекеттерден аулақ болу қажет.
Интернет пен әлеуметтік желілер де есірткіні заңсыз таратуға пайдаланылуы мүмкін. Осыған байланысты цифрлық ортадағы күмәнді жарнамалар мен ұсыныстарға сақтықпен қараған жөн. Мұндай ақпарат кездескен жағдайда оны тарата бермей, тиісті органдарға хабарлау маңызды.
Есірткі қылмысына қарсы іс-қимылда қоғамның сергектігі мен құқық қорғау органдарының үйлесімді жұмысы қажет. Заң талаптарын сақтау, жастарға дұрыс бағыт беру және алдын алу шараларын күшейту қауіпсіз қоғам қалыптастыруға мүмкіндік береді.
ҚҰРАЛБЕК СӘБИТОВ