Жол қозғалысы қауіпсіздігі әрбір жүргізуші мен жаяу жүргіншінің жауапкершілігіне байланысты. Жол ережесін сақтау – айыппұлдан қашудың амалы емес, өз өмірі мен өзгелердің денсаулығын қорғаудың басты шарты.
Жүргізушілер белгіленген жылдамдықты сақтап, жол белгілеріне назар аударып, көлік тізгінінде телефон қолданудан бас тартуы қажет. Бір сәттік алаңдаушылықтың өзі қауіпті жағдайға әкелуі мүмкін. Әсіресе ауа райы қолайсыз болғанда және жол көрінісі нашарлағанда сақтықты күшейткен жөн.
Жаяу жүргіншілер де жолдан белгіленген орындармен өтіп, бағдаршам талаптарын орындауы керек. Балаларды жолда жүру ережелеріне үйрету және олардың қауіпсіздігін қадағалау ата-аналардың назарынан тыс қалмауы тиіс.
Жолдағы қауіпсіздік бір адамның әрекетімен ғана шектелмейді. Жүргізушілердің мәдениеті, жаяу жүргіншілердің тәртібі және жол инфрақұрылымының жағдайы өзара байланысты. Ережені сақтау – әр сапардың қауіпсіз аяқталуына жасалған қадам.
ҚҰРАЛБЕК СӘБИТОВ