Балалардың жол қозғалысына қатысуы ерекше назар аударуды талап етеді. Олар жолдағы қауіпті жағдайды ересектер секілді бағалай алмауы мүмкін. Сондықтан ата-аналар мен педагогтердің міндеті – балаларға жол ережесін түсіндіріп қана қоймай, оны күнделікті өмірде сақтауға үйрету.
Бала жолдан өтерде алдымен бағдаршамға қарап, көліктердің тоқтағанына көз жеткізуі керек. Жолды белгіленбеген жерден кесіп өтуге және көлік жүретін бөлікте ойнауға болмайтынын түсіндіру маңызды. Мектепке баратын бағытты алдын ала бірге жүріп өту де қауіпсіз әдет қалыптастыруға көмектеседі.
Жүргізушілер мектептер мен балалар көп жүретін орындардың маңында жылдамдықты азайтып, жаяу жүргіншілерге жол беруі қажет. Балаларға арналған жол белгілері мен өткелдердің дұрыс орналасуы да қауіпсіздікке ықпал етеді.
Баланың жолдағы қауіпсіздігіне тек отбасы емес, бүкіл қоғам жауапты. Ересектердің үлгісі мен тұрақты түсіндіру жұмыстары жас ұрпақтың жол мәдениетін қалыптастырады.
ҚҰРАЛБЕК СӘБИТОВ