Алкогольді шамадан тыс тұтыну адамның денсаулығына, отбасылық қарым-қатынасына және қоғамдық өміріне кері әсер етуі мүмкін. Оның салдары тек ішімдік ішкен адамға ғана емес, жақындары мен айналасындағы адамдарға да тиеді. Сондықтан алкогольді зиянды тұтынудың алдын алу – маңызды қоғамдық міндет.
Бұл бағыттағы жұмыстар адамның саналы таңдау жасауына көмектесуге негізделуі тиіс. Денсаулықты сақтау, спортпен шұғылдану, пайдалы әдеттерді қалыптастыру және бос уақытты тиімді өткізу салауатты өмір салтының ажырамас бөлігі саналады.
Отбасында өзара түсіністік пен қолдаудың болуы да маңызды. Егер адам алкогольді тұтынуды бақылауда қиындық көрсе, оны кінәлаудың орнына медицина мамандарына жүгінуге ынталандырған жөн. Қажет болған жағдайда кәсіби көмекке жүгіну адамның денсаулығын қалпына келтіруге мүмкіндік береді.
Салауатты өмір салты – уақытша ұстаным емес, күнделікті таңдаудан қалыптасатын әдет. Өз денсаулығына жауапкершілікпен қарау адамның өмір сапасын жақсартуға көмектеседі.
АЙЖАРЫҚ КӨПТІЛЕУОВ