Қоғамдық қауіпсіздікке әсер ететін факторлардың бірі – алкогольді шамадан тыс тұтыну салдарынан туындайтын құқық бұзушылықтар мен тұрмыстық жанжалдар. Мұндай жағдайлардың алдын алу үшін түсіндіру жұмыстары, салауатты өмір салтын насихаттау және жауапты мінез-құлық қалыптастыру қатар жүргізілуі керек.
Алкоголь адамның өзін-өзі бақылау қабілетіне әсер етіп, дұрыс шешім қабылдауына кедергі келтіруі мүмкін. Әсіресе көлік жүргізу кезінде алкоголь тұтыну адам өміріне тікелей қауіп төндіреді. Сондықтан мас күйде көлік басқаруға жол бермеу және мұндай әрекеттің қауіпті екенін түсіну аса маңызды.
Алдын алу жұмыстары жастарды спортқа, шығармашылыққа және қоғамдық бастамаларға тартуды да қамтуы қажет. Қызығушылығы мен мақсаты бар адамның уақытын пайдалы өткізуіне мүмкіндік молаяды. Сонымен қатар қиындыққа тап болған адамдарға кәсіби көмек көрсетуге жағдай жасау маңызды.
Қауіпсіз қоғам құру үшін заң талаптарын сақтау мен азаматтардың жауапкершілігі қатар жүруі тиіс. Денсаулықты бағалау, өз әрекетінің салдарын түсіну және айналадағы адамдардың қауіпсіздігін құрметтеу – әр адамның міндеті.
АЛТЫНАЙ СЕЙІТКЕН