Кейбір жасөспірімдер өз әрекетінің құқықтық салдарын толық түсінбеуі мүмкін. Қоғамдық мүлікті бүлдіру, өзгенің затын рұқсатсыз алу немесе интернетте қорлау сипатындағы әрекеттер жасау әзіл ретінде қабылдануы ықтимал. Алайда мұндай қылықтар басқа адамның құқығына зиян келтіреді және заң талаптарына сәйкес бағалануы мүмкін.
Жастарға құқықтық сауаттылықты ерте жастан үйрету қажет. Олар өз құқықтарын ғана емес, міндеттерін де білуі керек. Қателікке жол бермеу үшін ата-аналар мен мұғалімдер түсіндіру жұмыстарын жүргізіп, жасөспірімдердің сұрақтарына ашық жауап бергені жөн.
Заңды құрметтеу жазадан қорқумен ғана қалыптаспайды. Ол өз әрекетінің салдарын түсінуден және өзгелердің құқығын мойындаудан басталады.
Жас кезден қалыптасқан жауапкершілік адамның болашақтағы шешімдеріне де ықпал етеді.
ҚҰРАЛБЕК СӘБИТОВ