Қоғамдық тәртіпті сақтау тек бақылау камераларының, полицияның немесе айыппұлдың болуына байланысты болмауы тиіс. Нағыз құқықтық мәдениет адамның ешкім бақылап тұрмаса да, заң талаптарын орындауынан көрінеді.
Қоғамдық орындарды бүлдірмеу, жол ережесін сақтау, интернетте сақ болу және өзгенің құқықтарын құрметтеу – күнделікті өмірдегі қарапайым, бірақ маңызды міндеттер. Осындай әрекеттер қоғамдағы сенім мен қауіпсіздікті нығайтады.
Құқық бұзушылықтың алдын алу үшін тұрғындарға заң талаптарын түсіндіру, жастармен жұмыс жүргізу және азаматтардың бастамаларын қолдау қажет. Әр адам өз ортасында тәртіпті сақтауға үлес қоса алады.
«Заң мен тәртіп» қағидатының шынайы мәні – адамның жауапкершілікті сыртқы бақылаудан емес, ішкі ұстанымынан сезінуі. Заңға құрмет күнделікті әдетке айналғанда ғана қауіпсіз қоғам қалыптасады.
ТОҒЖАН ЖОЛДЫҒАЛИ