Қазақстан Республикасы Президенті Әкімшілігінің келісімімен және Алматы облысы әкімінің өкімімен Талғат Ескендірұлы Байеділов Еңбекшіқазақ ауданының әкімі болып тағайындалды.
Талғат Ескендірұлы 1972 жылы туған, білімі – жоғары, 1998 жылы Қазақ мемлекеттік басқару академиясын бітірген. Еңбек жолын 1992 жылы Кеген ауданы Тоғызбұлақ ұжымшарында бастаған. Әр жылдары «Қазақстан темір жолы» республикалық мемлекеттік кәсіпорнының Алматы қаржы-экономикалық орталығының есепшісі, салық есебі және бақылау бөлімінің экономисі, «Қазпошта» акционерлік қоғамының Іле аудандық пошта байланысы торабының бастығы, Райымбек ауданы Қарабұлақ селолық округінің әкімі, Райымбек ауданы әкімі аппаратының басшысы, Райымбек ауданы әкімінің орынбасары, Кеген ауданының әкімі лауазымдарын атқарған. 2023 жылдың наурыз айынан Алматы облыстық мәслихатының төрағасы болды. «Ерен еңбегі үшін» медалімен марапатталған.
