Қаскелең қаласындағы №424 сайлау учаскесінде барлығы 2202 сайлаушы тіркелген. Таңғы 8-ге қарай дауыс беруге келе бастағандардың қатарында еңбек ардагері, 76 жастағы зейнеткер Бәкір Алпашев та бар.
– Мен Қаскелең қаласында 53 жылдан бері тұрып келемін. Ел алдындағы, қоғам алдындағы борышымызды орындау аға буын өкілдері үшін аса маңызды. Сондықтан жұбайым екеуіміз алғашқылардың қатарында учаскеге келіп, дауысымызды бердік, – дейді бізге берген сұхбатында.
Бұл сайлау қазақ елі үшін аса маңызды. Себебі бүгінгі күні Жаңа Қазақстанды қалыптастыруға қабілетті озық ойлы, білімді, ең бастысы кешегі былық-шылыққа араласпаған адамдар Парламентке баруы керек. Мен өз дуысымды балаларым мен немерелерімнің болашағы үшін бердім!
Иә, айтса айтқандай, бүгінде екі ұл, бір қыздан 15 немере сүйіп, солардың қызығын қызықтап жүрген қария олардың ертеңі үшін алаңдайтыны рас. Демек, өз таңдауы арқылы олардың да болашағын қалыптастыруда!
Қуат ҚАЙРАНБАЕВ
Қарасай ауданы
