Абай атамыз “Түбі бірдің туы бір, жолы бірдің жүгі бір” деп айтқандай, бір шаңырақ астында берекелі ғұмыр кешіп жатқан ұлт өкілдерінің бүгінгі таңдағы ынтымағы көңілімізді шаттандырады. Аллаға шүкір, түріктер де, қазақтар да бөліп жаруға келмейтін түбі бір туысқан ел. Сол үшін құрметті Отандастар, ерінбей еңбек қылайық, сол үшін Қазақстан халқы Ассамблеясының алдына қойған міндеттерін мінсіз орындауына бірауыздан атсалысайық. Ел Президенті Қасым-Жомарт Кемелұлы Тоқаевтың Ассамблеяның XXXIII сессиясында көтерген мәселерін мәнді етіп, айтылған жоспарларын жүзеге асыруға бір жағадан бас, бір жеңнен қол шығаруға тиіспіз. Сол үшін бір үйдің, бір әке-шешенің балаларындай үлкен үлесімізді қосып, еліміздің дамуына, татулықтың тұғырдан түспеуіне, тұрақтылықтың мәңгі сақталуына барымызды салайық.
Гамзе Гейдаров,
Түрік мәдени орталығының төрағасы
