21-24 наурыз күндері аралығында Алматы облысының тауларында көшкін жүру қаупі бар. Бұл туралы Алматы облыстық Төтенше жағдайлар департаменті (ТЖД) хабарлады. Қар көшкіні негізінен ауа температурасының көтерілуінен және жаңбыр мен қар аралас жауын-шашынның мол түсуінен жүреді.
Департамент осыған байланысты азаматтарды, туристерді және демалушыларды қар көшкініне себеп болуы мүмкін болғандықтан қарлы беткейлерге шықпау, сондай-ақ таулы жерлерде барлық қауіпсіздік шараларын сақтау қажетін ескертеді.
Алматы облысының аумағында Іле-Алатау тауларының оңтүстік беткейінде Еңбекшіқазақ, Талғар және Қарасай аудандарында көшкін жүру қаупі бар 55 учаске орналасқан.
