-13 °c
Qonaev
Saturday, May 24, 2025
    "Алатау Арайы" газеті

    Газет 1918 жылдан бастап шығады

    • Басты бет
    • Әлеумет
    • Денсаулық
    • Құқық-заң
    • Мәдениет
    • Руханият
    • Саясат
    • Газет редакциясы
    • БАСПАСӨЗ – 2024
    No Result
    View All Result
    • Басты бет
    • Әлеумет
    • Денсаулық
    • Құқық-заң
    • Мәдениет
    • Руханият
    • Саясат
    • Газет редакциясы
    • БАСПАСӨЗ – 2024
    No Result
    View All Result
    "Алатау Арайы" газеті
    Home Барлық жаңалықтар

    Қонаевта дара тұлғаға арналған турнир жалауын көтерді

    08.06.2023
    in Барлық жаңалықтар, Мереке, Өңір тынысы, Спорт
    Қонаевта дара тұлғаға арналған турнир жалауын көтерді

    фото: Жұмабай Мұсабеков

    0
    SHARES
    3
    VIEWS

    Көрнекті мемлекет және қоғам қайраткері Дінмұхамед Ахметұлы Қонаевтың 111 жылдығына арналған бокстан кіші жасөспірімдер арасында республикалық турнир жалауын көтерді.

    Осымен екінші рет ұйымдастырылып отырған жарыстың ашылу салтанаты Қонаев қаласындағы «Golden beach Kapshagay» демалыс орнында өтті. Облыстық мәслихат төрағасы Талғат Байеділов бастаған елімізге белгілі спорт қайраткерлері жас боксшыларға сәттілік тіледі.

    Дінмұхамед Қонаевтың ел экономикасының өркендеуіне қосқан үлесі зор. Қайраткер кеңестік кезеңнің мүмкіндіктерін осы мақсатқа ұтымды пайдалана білді. Қала құрылыстарын өркендетті. Өнер мен әдебиетке қамқорлық жасады. Отандық спорттың дамуына ықпал етті. Ұлттық бірлікті нығайтты. Айта берсек, айтулы тұлғаның елі үшін атқарған еңбектері аз емес. Осының бәрі тарихымыздың ұмытылмайтын жарқын тараулары.

    – Күні кеше ғана Ташкентте өткен бокстан әлем чемпионатында қазақстандық былғары қолғап шеберлері ел абыройын асқақтатты. Бұл біздің бокс мектебінің қандай дәрежеде екенін анық көрсетті. Ел мерейін үстем етіп жүрген спортшылардың алғашқы аяқ алысы осындай турнирлерден бастау алған. Халқымыздың кемеңгер тұлғасы Дінмұхамед Қонаевты еске алуға арналған бүгінгі жарыс та болашақ чемпиондардың құтты қадамына айналсын, – деді Талғат Байеділов.

    Бокстан Сидней Олимпиадасының чемпионы Ермахан Ыбырайымов, облыстық дене шынықтыру және спорт басқармасының басшысы, грек-рим күресінен Бейжің Олимпиадасының күміс жүлдегері Нұрбақыт Теңізбаев, КСРО спорт шебері, Қазақстанның еңбек сіңірген жаттықтырушысы Амалбек Тшанов, Қазақстан бокс федерациясының вице-президенті Мүсілімбай Дайырбеков, халықаралық Қонаев қоры президентінің кеңесшісі Дәулет Жанботаев ойларын ортаға салды.

    – Дінмұхамед Қонаев адалдықтың, парасаттылықтың үлгісін көрсетті. Ешқашан адами қасиетінен айныған жоқ. Сондықтан жас ұрпақ Димаш аталарын әрқашан үлгі тұтуы қажет, – деді «Құрмет» орденінің иегері Амалбек Тшанов.
    Облыстық дене шынықтыру және спорт басқармасы мен Д.Қонаев атындағы халықаралық қор қолға алған турнирге 200-ге жуық боксшы қатысады. Атап айтар болсақ, Алматы мен Шымкент қаласынан, Абай, Жамбыл, Жетісу, Қарағанды, Түркістан және Алматы облысынан келген спортшылар қолғап түйістіреді. Сондай-ақ жарысқа Қырғызстан, Өзбекстан, Тәжікстан елдерінің балғын боксшылары да бақтарын сынауға арнайы келді.

    Қапшағай көлінің жағасында, әсем табиғат аясында орналасқан рингте гонг соғылып, көптен күткен жарыс та басталды. Спортшылар үш күн бойы тартысты ойын өрнегін көрсетеді. Жеңімпаздарды марапаттау рәсімі 12 маусымда өтеді.

    Болат Мәжит,
    Қонаев қаласы

    Ұсынымдар

    «Таза Қазақстан» бағдарламасына кәсіпкерлер де атсалысуда

    «Таза Қазақстан» бағдарламасына кәсіпкерлер де атсалысуда

    9 months ago
    Қарасайлықтар қуанышы

    Қарасайлықтар қуанышы

    3 weeks ago
    Астанада ауыл шаруашылығы жәрмеңкесі өтеді

    Астанада ауыл шаруашылығы жәрмеңкесі өтеді

    7 months ago
    Салық реформасы баршаға тиімді болуға тиіс

    МНЭ РК: Недополученные налоги – недостроенные школы и больницы

    2 months ago
    Шаруашылыққа серпін қажет

    Шаруашылыққа серпін қажет

    1 year ago
    • Басты бет
    • Әлеумет
    • Денсаулық
    • Құқық-заң
    • Мәдениет
    • Руханият
    • Саясат
    • Газет редакциясы
    • БАСПАСӨЗ – 2024
    © 2023 www.alatauaraiy.kz

    «Alatau araiy» газеті Меншік иесі: «Өлке тынысы» ЖШС Қазақстан Республикасы, Алматы облысы, Қонаев қаласы, Достық көшесі, 1, Индекс: 040800 https://alatauaraiy.kz желілік басылымы Қазақстан Республикасы Ақпарат және қоғамдық келісім министрлігінің Ақпарат комитетінде 2023 жылғы 30 қаңтарда тіркеліп, № KZ 12VPY00063736 куәлігі берілген. Сайт материалын пайдалану үшін редакция келісімі керек және гиперсілтеме жасау міндетті.

    • Басты бет
    • Әлеумет
    • Денсаулық
    • Құқық-заң
    • Мәдениет
    • Руханият
    • Саясат
    • Газет редакциясы
    • БАСПАСӨЗ – 2024

      «Alatau araiy» газеті Меншік иесі: «Өлке тынысы» ЖШС Қазақстан Республикасы, Алматы облысы, Қонаев қаласы, Достық көшесі, 1, Индекс: 040800 https://alatauaraiy.kz желілік басылымы Қазақстан Республикасы Ақпарат және қоғамдық келісім министрлігінің Ақпарат комитетінде 2023 жылғы 30 қаңтарда тіркеліп, № KZ 12VPY00063736 куәлігі берілген. Сайт материалын пайдалану үшін редакция келісімі керек және гиперсілтеме жасау міндетті.