Қонаев қаласындағы 32363 әскери бөлімінің қызметкері Досжан Ақатай Республика күніне арнап “Жаса қазағым” патриоттық әнін жазды.
Бүгін қалада өткен салтанатты шарада әннің тұсауы кесілді.
Досжан Ақатайдың бірнеше композициясы бар. Бірақ, өнер оның бос уақытында айналысатын кәсібі ғана.
“Өнермен әуесқой композитор ретінде ғана айналысамын. “Жаса қазағым” әнін алдын ала дайындалып жүріп, бір күннің ішінде жазып шықтым. Ұлттың рухын көтеретін ән жазғым келіп жүрген. Бұған дейін бірнеше композиция шығардым. Бүгінгі айтулы мерекемен барша қазақстандықтарды құттықтаймын! Ел еңсесі биік болсын!” – деді Досжан Ақатай.
