Алматы облысында Цифрлық технологиялар басқармасы бюджет қаржысына кеңсе тауарларын нарықтағы құнынан әлдеқайда қымбат бағаға сатып алмақ болған. Бұл туралы Сыбайлас жемқорлыққа қарсы іс-қимыл агенттігінің Алматы облысы бойынша департаменті хабарлады. Басқарма жалпы сомасы 20 млн теңгеге компьютерлерді жоғары бағаға сатып алмақ болған.
«Басқарма бір данасы 497 265 теңгеден 32 компьютер, бір данасы 514 880 теңгеден 3 ноутбук және әрқайсысы 598 214 теңгеден 4 моноблок сатып алуға конкурс жариялаған. Тексеру кезінде аталған тауарлардың бағасы 102,78%, 77,54% және 60%-ға қымбат екені анықталды», – делінген департамент хабарламасында.
Құзырлы органның араласуынан кейін аталған заңсыз әрекет тоқтатылып, мемлекеттік конкурс қайта өткізілетін болды.
