Қарағанды облысындағы Костенко атындағы шахтадағы өрт салдарынан қаза тапқан кеншілер саны 20-ға жетті.
Бүгін таңертең Костенко атындағы шахтада өрт болып, әуелде 11 адам көз жұмғаны, әртүрлі дәрежедегі жарақаттармен ауруханаға 18 адам жеткізілгені хабарланған еді.
Артынша тағы бес кеншінің денесі табылып, құрбан болғандар саны 16-ға жетті.
Қазақстан Президенті Қасым-Жомарт Тоқаев қаза тапқан кеншілердің туған-туыстары мен жақындарына көңіл айтты.
Сондай-ақ, Президент Үкіметке «АрселорМитталТеміртау» компаниясымен инвестициялық ынтымақтастықты тоқтатуды тапсырды.
Одан бөлек, ҚР Бас прокуратурасы Костенко атындағы шахтадағы өрт фактісі бойынша тау-кен немесе құрылыс жұмыстарын жүргiзу кезiнде қауiпсiздiк қағидаларын бұзу бабы бойынша сотқа дейінгі тергеп-тексеру басталғанын хабарлады.
