“Азаматтық бастамаларды қолдау орталығы” КЕАҚ гранты шеңберінде “Жас ұрпақ” жастар қоғамдық бірлестігінің “Жетісу ділмарлары” пікірсайыс қозғалысы жобасы аясында Жетісу облысы білім басқармасымен бірлесіп 10-12 қараша күндері “Жаңа Қазақстанның болашағы – зерделі ұрпақ” атты республикалық пікірсайыс турнирін өткізді. Ойы ұшқыр, танымы терең таланттар бәсекесінде бақ сынаған өңір өрендері 3 лига бойынша да жеңімпаздар қатарынан көрінді. Алматы облысының намысын қазақ лигасында қорғаған Жамбыл ауданы, Шоқан Уәлиханов атындағы орта мектебінің оқушылары Диана Тайтанова мен Жадыра Әлікова 1-орын иеленсе, орыс лигасында бақ сынаған Қарасай ауданындағы әл-Фараби атындағы мамандандырылған мектеп-лицейінің шәкірттері Арайлым Төлепбек пен Айгерім Жарқынбек алғашқы жүлдеден көрінді. Сондай-ақ, ағылшын лигасында бақ сынаған қарасайлық Аяулым Құрбанбек “Үздік спикер” номинациясын жеңіп алды. Дарынды шәкірттердің шығармашылық шыңынан көріне беуін тілейміз.
Газет 1918 жылдан бастап шығады
Дарынды шәкірттер дебат сайысында дараланды
