Қазақстан Ұлттық банкі «Банкноттардағы портреттер» сериясы бойынша Әл-Фараби, Құрманғазы және Сүйінбай коллекциялық монеталарын айналымға шығарады. Монеталар 2023 жылғы 8 желтоқсаннан бастап kazcoins.nationalbank.kz интернет-дүкені арқылы сатылады.
«Жаңа монеталар 1993 жылғы үлгідегі Қазақстан Республикасының ұлттық валютасы банкноттарының бірінші сериясының портреттік бейнелеріне арналған. Онда көрнекті тарихи тұлғалар – ғалым Әбу Насыр Әл-Фараби, айтыскер ақын Сүйінбай Аронұлы, күйші Құрманғазы Сағырбайұлы, ғалым әрі этнограф Шоқан Уәлиханов, ақын әрі философ Аба Құнанбайұлы, сондай-ақ қазақ хандары Әбілқайыр мен Абылай бейнеленген», – делінген Ұлттық банк баспасөз қызметі таратқан хабарламада.
2011-2013 жылдары Әл-Фараби, Құрманғазы және Сүйінбай коллекциялық алтын монеталары айналымға шығарылған. Коллекционерлер мен халық тарапынан болған сұранысты ескере отырып, серия күміс және нейзильбер қоспасынан жасалған монеталармен толықтырылып отыр.
Монеталар:
• әрқайсы 925/1000 сынамалы күмістен, салмағы 31,1 грамм, диаметрі 38,61 мм, proof дайындау сапасымен, номиналы 500 теңгелік, таралымы 2 000 (екі мың) данада жасалды;
• әрқайсы МНЦ 15-20 нейзильбер қоспасынан, массасы 11,17 грамм, диаметрі 31 мм, uncirculated дайындау сапасымен, номиналы 200 теңгелік, таралымы 50 000 (елу мың) данада жасалды.
