Бүгін Мемлекет басшысы Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясының отырысы өтті.
Мен аталған отырыстан мыналарды терең ұқтым. Әлемді тұрақсыздық билеп, геосаяси ахуал шиеленіскен тұста бірлікті ту етіп ұстау арқылы ғана мемлекетімізді дамуға бағыттай аламыз. Әлеуметтік-экономикалық ахуалдың дамуы да татулықпен тікелей байланысты. Ол – мемлекеттің іргетасы іспеттес. Барлық мәселенің шешімі ынтымақтастық арқылы табылатынына көз жеткізіп отырмыз. Бүгінгі елімізде орын алып жатқан су тасқынын да азаматтарымыздың күш біріктіруі арқылы жеңіп шығамыз. Бүгнде қаншама қазақстандықтар өз еріктерімен су тасқыны болған аймақтарға барып, көмек қолын созуда. Гуманитарлық көмек ұсынуда. Бұл туралы Президент Ассамблея отысында айтты.
«Бәріміз – бір елдің азаматымыз. Тарих тоғыстырған тағдырымыз – бір, сеніммен қадам басатын келешегіміз – бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз – Қазақстанның жарқын болашағын бірге жасаймыз. Біздің мақсатымыз – айқын, бұл – Әділетті Қазақстанды құру» – деді Қасым-Жомарт Тоқаев. Рас, тіліміз бөлек болса да тілегіміз бір, түсіміз бөлек болса да жүрегіміз бір. Бір ту астында бір атаның баласында тату-тәтті ғұмыр кешкен қазақстандықтар да тура жолмен жарқын болашаққа қадам басуда. Тәуелсіздігін жаңа алып, тәй-тәй басқан жас мемлекет үшін бұл – үлкен жетістік. Сондықтан болар, ұлтаралық татулық, конфессияаралық келісім мәселесі ешқашан күн тәртібінен түскен емес. Мемлекет дамуының басты қағидаты ретінде үлкен маңызға ие.
Аркен Сайдуллаев,
Еңбекшіқазақ аудандық мәслихат депутаты
