Қарасай ауданы Іргелі ауылдық округіндегі Кемертоған жеке қосалқы шаруашылығын электр қуатымен жабдықтауға қатысты төмендегіні хабарлаймыз:
“Кемертоған” жеке қосалқы шаруашылығы, №17 кварталының кейбір тұрғындары “Калелова” ӨК-мен электрмен жабдықтауға шарт жасасқан жоқ. Өндірістік кооператив электр энергиясының төлемін қолданыстағы бекітілген тариф мөлшерінде есептейді (ҚҚС-пен 1 квт / сағ үшін 28,62), сонымен қатар әр үйден ай сайын 6000 теңгеден төлем белгіленген (электрик, бақылаушы қызметтері мен трансформаторға қызмет көрсету үшін).
Нәтижесінде 1 600 000 теңге көлемінде берешек пайда болып, 9 үйдің электр қуаты өшірілген.
ЖҚШ тұрғындары 1 мамырда барлық инженерлік-коммуникациялық инфрақұрылымдардың қызмет көрсету ұйымдарын мемлекет балансына беруді талап етіп, облыс әкімдігінің алдына жиналды.
Анықтама: Электр желілері Әділет департаментінде тұтыну кооперативінің мүлкі ретінде тіркелді. “Калелова” ӨК Кемертоған ауылының № 17 кварталындағы 34 үйді электрмен және сумен қамту бойынша коммуналдық қызметтер көрсетумен айналысады.
Қазіргі уақытта аталған абоненттерді электр қуатына қосу бойынша шаралар қабылданып жатыр. Алдағы уақытта абоненттерді “АЖК” АҚ желілеріне тікелей қосу үшін ЭБЖ салу жоспарланып отыр.
