Бар қазақтың маңдайына берілген,
Талай аңыз шыққан елім, жерімнен.
Тұманбайдай атамыз ел есінде,
Бар ғұмыры өлең болып өрілген.
Махамбеттің рухын биіктеткен,
Ана тілді дәріптеп, сүйікті еткен.
«Балдырған» журналына басшы болып,
Адал жұмыс, еңбегін сүйіп кеткен.
Елтаңбаны жырымен таныстырды,
Жастарды Отан сүй деп жарыстырды.
Аудармамен ұлтымның әдебиетін,
Жаңаша қырыменен табыстырды.
Өлеңдері ән болып шарықтаған,
Жырлары жүректерде қалықтаған.
Құндылығын ұлтының көтеруге,
Жасаған талай-талай алып қадам.
Адина Айтқазы,
Әл-Фараби атындағы мамандандырылған
лицейдің 9-сынып оқушысы
Қарасай ауданы
