Әлеуметтік маңызы бар азық-түлік тауарларына Ұлттық статистика бюросы ұсынған статистикалық мәліметтерге сәйкес, баға индексі жыл басынан бері 101,0% құрады. Апталық көрсеткіш бойынша баға индексі 99,9%, яғни баға деңгейі бір қалыпты.
Департамент өз құзыреттілігі шегінде әлеуметтік маңызы бар азық-түлік тауарларын сату кезінде сауда үстемесінің (15%) шекті мәнін асырып сатқан фактілермен делдалдықты жою бойынша жұмыстар атқарылуда.
Аталған факті және тауарлардың бағаларын (ценниктерін) көрсетпеу Сауда қызметін реттеу туралы Заңының талаптарын бұзу болып есептеледі.
2025 жылдың көлемінде заң талаптарын бұзған 62 кәсіпкер әкімшілік жауапкершілікке тартылып, 579 970 теңге айыппұл салынса, 2026 жылдың басынан бүгінгі күніне дейін 131 сауда субъектісіне қатысты 449 әкімшілік хаттама толтырылып, нәтижесінде жалпы сомасы 2 460 894 теңге көлемінде айыппұл салынды.
Оның ішінде:
– 358 әкімшілік хаттама ӘҚБтК-нің 204-4-бабына сәйкес;
– 91 әкімшілік хаттама Кодекстің 193-бабы 4-бөлігіне сәйкес;
Қорытындылай келе, тұтынушылар құқықтарын қорғау – қоғамдағы әлеуметтік тұрақтылықты қамтамасыз етудің маңызды элементі екенін атап өтемін.
Азаматтарға төмендегілер ұсынылады:
тауарлар мен қызметтерді таңдауда мұқият болу;
растайтын құжаттарды сақтау;
құқық бұзылған жағдайда уәкілетті органдарға уақытылы жүгіну.
Департамент тұтынушылар құқықтарын қорғау және тауарлар мен қызметтер нарығындағы заңдылықты қамтамасыз ету бағытындағы жүйелі әрі принципті жұмысын жалғастырады.
Қуантқан Дидаров
ҚР Сауда және интеграция министрлігінің
Алматы облысы бойынша сауда және
тұтынушылардың құқықтарын қорғау
департаментінің бас маманы
