Ертең «Таза Қазақстан» жалпыұлттық экологиялық бағдарламасы аясында Алматы облысының барлық ауданы мен ауылдарында тазалық шаралары өтеді. Жасыл желек, ағаш көшеттері егіліп, аймақты тазартуға ғана емес, көгалдандыруға да айрықша көңіл бөлінеді.
«Таза Қазақстан» бағдарламасының мақсаты да осы – экологиялық мәдениетті арттырып, тұрғындарды туған өлке табиғатына жанашырлықпен, қоршаған ортаның тазалығына жауапкершілікпен қарауға үндеу.
«Таза бейсенбі» аясындағы тазалық шаралары таңғы сағат 7-ден бастау алады. Қонаев қаласының кіреберіс қақпасындағы «Барыс» монументі, «Sinoil» жанармай құю бекеті, «Аристократ» тұрғынүй кешенінің маңына жиналатын тұрғындар қала тазалығын сақтауға бір кісідей үлес қоспақ. Облыс орталығынан бастау алған акция аудандар мен шалғай ауылдарды да қамтып, оған мекеме-ұйым қызметкерлері, жастар атсалыспақ. Осынау игілікті іс-шараға барша аймақ тұрғындарын белсене қатысуға шақырамыз!
