Ұзынағаш ауылының тұрғындары «Таза Қазақстан» бағдарламасын жүзеге асыруға тұрақты түрде атсалысып келеді. Жамбыл ауданындағы ең үлкен елдімекенде кейінгі жылдары халық саны еселеп артты. Қазір аудан орталығында шамамен 50 мыңның төңірегінде тұрғын бар.
Сондықтан тазалық жұмыстары күн тәртібінен бір сәтке түскен емес. Ауданның орталығы болғандықтан көшенің таза да көзтартарлық абаттандырылуына баса мән беріледі. Осыған орай мемлекет есебінен ауқымды жобалар жүзеге асырылу үстінде. Қоршаған орта тазалығын жақсартуға бағытталған жұмыста Жамбыл ауданы әкімдігі мен аудандық білім бөлімінің қызметкерлері ерекше белсенділік танытты. Олар ғимарат төңірегін, орталық көшені тазартып, гүл отырғызып, көгалдандыру ісін белсенділікпен атқарды. Осылайша сенбілікке қатысқан мемлекеттік қызметшілер табиғатты аялау – әр азаматтың парызы екенін тағы бір мәрте ісімен көрсетті. «Табиғат – біздің ортақ үйіміз. Оны таза ұстау – баршамыздың міндетіміз» дейді олар. Бұл күні Ұзынағаш ауылындағы сенбілікке жалпы саны 50 адам қатысып, 3 тонна қоқыс жиналды.
Жамбыл ауданы
