Алты жасар Альтаирге дауыс беруге әлі 12 жыл бар. Бірақ 23 тамызда «Қайраттың» кішкентай фанаты әкесіне еріп, Құрылтай депутаттарының сайлауы өтіп жатқан учаскеге келді.
Әкесі дауыс берген уақытта Альтаир жанында болды. Футболға қызығатын баланың «Қайратқа» деген ықыласын сыртқы образынан-ақ аңғаруға болатын.
— Альтаир кішкентайынан футболға қызығады. «Қайраттың» жанкүйері, қазір клубтың академиясында жаттығып жүр. Бүгін дауыс беруге келе жатқанда оны да ертіп алдым. Сайлау учаскесіне алғаш келуі, сондықтан айналасында не болып жатқанын қызықтап жүр, — деді баланың әкесі.
Әкесі құжатын көрсетіп, бюллетень алып, дауыс бергенше Альтаир учаскеде бірге болды.
Бұл жолы ол сайлау учаскесіне әкесіне еріп келді. Ал өзінің алғашқы бюллетеніне дейін әлі 12 жыл бар.
Әзірге Альтаирдің күн тәртібінде сайлау емес — мектеп, жаттығу және футбол.
