Алкогольге қатысты мәселелердің ең қауіпті тұсы – оның салдары бірден байқала бермейтінінде. «Бір реттен ештеңе болмайды», «өзім білемін» деген қарапайым сөздер уақыт өте келе әдетке айналуы мүмкін.
Алкогольді шамадан тыс тұтыну адамның денсаулығына ғана емес, отбасындағы қарым-қатынасқа, еңбекке қабілеттілігіне және қоғамдық тәртібіне де кері әсер етеді. Кейбір құқық бұзушылықтардың артында мас күйіндегі адамның ойланбай жасаған әрекеті тұруы мүмкін.
Сондықтан алкогольдің алдын алу тек тыйым салумен шектелмеуі керек. Бұл – адамның бос уақытын тиімді ұйымдастыру, спорт пен шығармашылыққа қызығушылығын арттыру, жастар арасында салауатты өмір салтын қалыптастыру сияқты кешенді жұмысты қажет ететін бағыт.
Ең маңыздысы – мәселені ол күрделеніп кеткеннен кейін емес, алғашқы белгілер байқалған кезде шешуге ұмтылу.
Адамның өмірін бір ғана әдет өзгертіп жіберуі мүмкін. Сол себепті «бір рюмкадан ештеңе болмайды» деген немқұрайлы көзқарастың орнына өз денсаулығы мен жақындарының тыныштығына жауапкершілікпен қараған дұрыс.
Өйткені алдын алу – салдармен күресуден әлдеқайда тиімді.
Тоғжан ЖОЛДЫҒАЛИ